Жамбыл облыстық балалар ауруханасының бас дәрігері Марат Рабандиярұлы Рабандияров «Персона России. Национальное достояние - 2016» жобасы премиясының лауреаты атанды. Бұл беделді премияның үміткерлері Президент Әкімшілігі мен Ресей Федерациясының Үкіметінің, Дүниежүзілік Ресей Халық Кеңесінің, Моңғолия достарының қоғамының қолдауымен, "Элит-Пресс Плюс" басылымының құрылтай комиссиясымен мақұлданды.
«Персона России» - бұл әдеби-өмірбаянды суреттейтін басылым, оның беттерінде болашақ ұрпақ үшін күнделікті өмірі үлгі болған, өзінің қайталанбас ізін қалдырған маңызды адамдардың, біздің замандастарымыздың өмірі бейнеленген. Басылымда біз мақтан ете алатын көптеген маңызды мамандық иелерінің өмірі мен ғажайып тағдыры туралы айтылады. Сонымен қатар, «Персона России» премиясының лауреатының негізгі қызметімен байланысты жазбалар фотосуреттермен, қызықты оқиғалармен өрнектеледі.
Міне, біздің де отандасымыз осындай премияға лайық деп танылып, бірегей кітаптың беттерінен орын алды. Марат Рабандияров жайлы очерк Ресей елінің атақты және құрметті адамдардың қатарында жарияланды. Оның ішінде Ресей Федерациясының Президенті В.В.Путин, «Апаттар мен соғыстарда балаларға арналған медициналық көмектің Дүниежүзілік қауымдастығы» Халықаралық комитетінің төрағасы Л.М.Рошаль, ұшқыш-ғарышкер, екі рет Кеңес Одағының батыры атанған В.В. Горбатко, Олиампиадалық ойындардың бірнеше дүркін әлем чемпионы Л.С. Латынина, Орталық телевизияның құрметті дикторлары А.Шатилова, Т. Судец, ал Қазақстаннан тек танымал нейрохирург Марат Рабандияров сияқты тұлғалар жайлы материалдар жарияланған.
Рабандияров Марат Рабандиярұлы – Жамбыл облысының балаларына хирургиялық, консультативтік, диагностикалық, емдік, оңалту көмегін көрсететін облыстық балалар ауруханасының бас дәрігері. «Нейрохирургия» мамандығы бойынша жоғары санаты, «Қоғамдық денсаулық сақтау, әлеуметтік гигиена және денсаулық сақтауды ұйымдастыру» мамандығы бойынша бірінші санаты бар, денсаулық сақтау саласының үздігі, ғылым мен техника саласы бойынша мемлекеттік премияның лауреаты. "Лучшие люди".халықаралық энциклопедиясына ұсынылған.
М. Рабандияров частый гость и в Российской Федерации. Он активно читает лекции, семинары, проводит мастер-классы, а также делится опытом и оригинальными техниками с российскими коллегами.
Мы рады, что Марат Рабандиярович удостоен чести быть на страницах этой важной книги.
Пресс-служба управления здравоохранеия
акимата Жамбылской области
